Í dag eru nákvæmlega 48 dagar þangað til að ég fer til Mallorka í útskriftarferð!!!!  Verðum 7 stelpur í 7 daga saman í ruglinu!!! hehe shit það verður skrautlegtHér ermynd af hótelinu og sundlauginni þar sem við verðum svona 40% af tímanum hin 60% verðum við á barnum eða að blanda í kokteilana !!!

Ekki nóg með að ég sendi frá mér rafbylgjur og skemmi öll raftæki sem eru mér nálægt heldur get ég ekki bakað!!! Ég held að það sé raftækisbakstursbölvun sem hvílir á mér.....og þetta er pottþétt ríka Grikkjanum að kenna...sem ég var í fyrra lífi!!

Í orðsins fyllstu kann ég bara að baka vandræði.... Þetta byrjaði allt þegar ég var 14 ára að baka sjálf skúffuköku í Englandi nema það að kakan sprakk í ofninum.... ofninn var ein deigklessa að innan og þurfti ég að þrífa í marga klukkutíma. Svo var það eitt sunnudagsboðið, ég svo myndarleg að baka pönnukökur...en missti skálina á gólfið og deigið hentist upp um alla veggi..... ég er ennþá að finna leifar í loftinu.Og hver heldur ennþá í bolludagshefðina!!!! Hver segir að bolludagurinn eigi að vera á mánudegi...?? Ég ákvað að hafa hann á miðvikudegi í ár.....bara 5 dögum fyrr......hefð smefð

 Svo síðustu helgi ætlaði ég að koma stelpunum á óvart með eina bananaköku í farartaskinu fyrir sumarbústaðalærihelgina okkar. Kvöldið áður var ég á hundavaði við að klára að baka, þrífa og læra á sama tíma.... gott að ég var ekki húsmóðir í gamla daga... ég hefði örugglega stungið af...eða kannski frekar að fólkið hefði flúið frá mér!!! Jæja ég var himinglöð yfir kökunni sem var farin að hefast svona líka vel eftir 10 mín....en nei... 3 mínútum seinna pompaði allt!!!alveg eins og Geysir!! Afhverju sagði mér enginn að hjartasalt er ekki það sama og natron..........

jæja ég huggaði mig á því að ég græddi þarna alveg ágætis hrökkbrauð

 Ég allavega hendi hér inn nokkrum myndum úr sumó!!!

Ferðalög um landið

Síðustu helgar hafa verið heldur frábrugðnar öðrum helgum ef litið er yfir síðustu mánuði. Fyrir nokkrum helgum síðan brugðum við okkur Stígur, Sirrý og Ármann til Akureyrar í menningarferð í orðsins fyllstu meiningu því að tilgangurinn var að sjá leikritið Fullkomið Brúðkaup. Menning er nú samt svo teygjanlegt hugtak og ekki til nein ein skilgreining á því enda var margt annað gert.....drukkið, borðað góðan mat og bragðað á Brynjuís svo eitthvað sé upptalið!!!

 Leið okkar lá á Lækjargötu á Akureyri þar sem að mér til mikillar ánægju bauðst frí gisting. Það var búið að aðvara mig um slakt húsaskjól þar sem að gamall maður býr þarna á sumrin en bregður sér í sólina á veturna eins og mörgum gamalmönnum sæmir. Maður lætur sig nú hafa ýmislegt ef manni býðst það frítt og gisting er alltaf bara gisting. Ferlega ánægð yfir þessu öllu saman... rann á mig tvö andlit þegar stigið var inn í húsið ef hús má kalla. Lyktin þarna inni var eins og af rotnandi líki og mýs virðast una sér vel þarna því Egill (húsbóndinn) er duglegur að fæða þær. Á efri hæðinni var loftið alveg að detta niður og sást í myglandi þakið.....  Sjitt ég var nú aldrei að búast við höll en ég var heldur ekki að búast við hrynjandi hreysi sem á að fara rífa niður hvað á hverju. Hvað var ég búin að gera!!!!! mér fannst þetta skemmtilega sorgleg krísa sem ég var búin að koma vinum mínum í og hló voðalega mikið af þessu (oft bara best að hlæja í svona stöðum... ég meina hvað getur maður annað gert) en ekki voru allir sammála um hversu fyndið þetta var og hvað þá að láta sig hafa þetta sem nætustöðu næstu tvær nætur.... Hvítvín núna hugsaði ég og ef það væri ekki nema bara  að hrynja í það og reyna láta aðra gera hið sama...koma smá kæruleysi í liðið...vonandi að öllum yrði nokk sama seinna meir. Flaskan var opnuð og reynt var að finna aðra gististöðu en án árangurs. Við fórum í dýrindismáltíð á Kaffi Karólína, 6 réttir....með kengúru í aðalrétt!!!. Eftir máltíðina hitti ég á hana Össu vinkonu sem býr á Akureyri... hún kom eins og engill að himnum ofan .....bauð okkur gistingu og bjargaði ferðinni gjörsamlega. Eftir góðan mat og tveimur flöskum seinna kíktum við á Kaffi Amor og teknar nokkrar sveiflur á dansgólfinu þrátt fyrir fámenni. Daginn eftir skelltum við okkur í sund og þvílík snilldar sundlaug þarna á Akureyri ...rennibrautirnar og pottarnir... algjört dúndur. Þetta var Laugardagurinn og leikhúsferð í vændum og  planið var að fara bara fínt út að borða þennan daginn. Við ákváðum samt að láta það eftir okkur þrátt fyrir dýrindismáltíð daginn áður ákváðum að fara á Friðrik  fimmta sem á að vera einn sá besti veitingastaður á landinu. Við skulum segja að hann hafi ekki alveg staðið undir sínu orðspori að okkar mati og virtist Friðrik hafa gleymt prozaikinu sínu þetta kvöldið en leikhúsferðin var klikkun og var grenjað úr hlátri allt kvöldið. Við enduðum síðan á kaffi Akureyri þar sem við dönsuðum af okkur skóna við hljómsveitina......hmm æ vhot ever hör neim is... og drusluðumst heim kl 3 eða 4 (mann fær alltaf alzeimer light eftir nokkur gös) en þá lokar stöðum á Akureyri!!! Hvað er það!!! Þeir kunna sko ekki að djamma þessir dólgar á norðurlandinu. Sussu bíja!!!! En það var ágætt því dagurinn á eftir fór ekki í neitt bull.....og kíktum við á kaffihús og í Brynjuís....

Ég mæli allavega með því að gera sér ferð til Akureyrar og sleppa einni helgi hér í bænum í geðveikinni og djamminu sem því fylgir !!!! bæði kostar það geðsjúklega mikið og það skilur ekki neitt eftir sig eða svona í flestum tilfellum!! Alltaf gott að fara út fyrir borgarmörkin og skoða landsins fegurð... Helgina eftir fór ég á Seyðisfjörð og hafði ég aldrei komið þangað áður en vá þvílík perla!!!! Þannig að nú get ég með góðri samvisku djammað hér í bænum næstu helgi  eða nánar tiltekið á Hótel Sögu...fanzy panzy!!

Chao amigos